期權基礎分享 (4)

再講買入期權(Long Side):

損失有限，機會無限 ，係宣傳做Long Side既主要好處，但即使係損失有限，機會無限都唔代表會賺錢。

 因為期權金主要構成由價內值(與正股市價的距離，如前文所講，行使價愈接近正股市價就愈貴)、時間值(愈接近到期就愈便宜)和引伸波幅(市場預期該正股未來的波幅)三個主要成份而定。不同行使價的期權(價內，價外，平價) 對於以上三個主要構成的比例會不同。簡單黎講，價內係已大幅超過/低過正股價的期權，期權金為三款行使價種類中最貴，而其比例絕大部份係價內值，時間值和引伸波幅只有好少。

平價(該行使價剛好是正股市價)，期權金第二貴，期權金比例大部份係時間值，其次係價內值和引伸波幅，為什麼平價期權時間值占期權金最大比例? 可以理解為平價期權差少少就到價，正股上D落D 就可以到價，所以時間對佢好重要。

最後價外期權，期權金最便宜，期權金比例大部份係引伸波幅，其次時間值，價內值好少或無，為什麼引伸波幅占期權金最大比例? 因為該期權距離到價較遠，時間已經吾係最大問題，問題係有無足夠波幅令其到價。

 如上，只有價內值和時間值是可以量化，時間值不是一條直線下跌的東西，是愈接近到期就加速下跌。(如下圖):
引伸波幅是市場預期，只有公式推論出其價值是多少，沒有公式計算何時會高，何時會低，及有否被高低估。

                                                                 
期權最能表示出其刀仔鋸大樹既槓桿性，就係由買入時係價外，沽出時係平價。
 
再深一步講就要提及option greek (如下圖:)

                                                                                                                                                                                                                                                                                                                                                                                 









小弟剛學時都讀過OPTION GREEK ，不過其實只要理解背後理念就OK，正式交易其實唔洗太學術化。

為什麼說最好是買入時係價外，沽出時係平價 ?  因為價外期權最便宜，而當正股走勢接近預期時，價外期權金就會因為DELTA 和 GAMMA 的關係而倍數上升，例如LONG CALL 時，正股上升5 % ，價外期權金上升幅度會不止5 % 。 而為什麼要沽出時係平價 (剛好到價) ，是因為平價後，再深入價內時，哪些會令期權金倍數上升的DELTA 和 GAMMA就會由高位下跌或不再上升，即係正股再升，你都只有如正股上升差不多的回報，槓桿性已經減少，所以不應再持有。
 如下圖可見，平價是DELTA 和 GAMMA的高峰，再入價內DELTA 和 GAMMA就會減少或不再上升: