期權基礎分享 (2)

依小弟一直以來目睹的情況，用期權而有正回報既只得兩種人，第一種係錢多及中長線目光準既人，佢地一直用sell put / sell call (沽出認購/認沽期權) 接好倉或淡倉，接到期貨後，有賺就適時再sell put / sell call 做 cover ，如果價格不利，就沽出價內/價外/平價(視乎看其資產短線走勢有幾不利) 賺期權金幫補或變相止蝕減倉，只要佢地中長線目光準，不利的資產最終都能回到其目標價，同錢夠多去維持margin ，短線不利最終都可賺番黎。

但此種風格問題很多，第一不能量化其maximum drawdown (最大回撤) ，對於中長線既分析要好準確，否則終有一日爆倉，同埋係香港市場，指數期權係Cash
settlement ，不能接期貨坐，所以此做法係外國市場如CME ，比較易達到，但同時其門檻亦較高。

第二種就係數據型，用歷史數據及期權多樣性做交易，有信號就入市，錯就止蝕，用大數定律求正回報。

 此種風格門檻較低，較適合散戶，係錢少但又有D時間既人唯一求正回報既方法，而以下落黎會主要談論依種方法。

 至於其他做法，包括錢少但又要做心證交易(即係用經驗/感覺做交易)，錯左又唔止蝕，又無錢守果D ，我見太多，結果當然吾好，在此就吾評論啦。