期權基礎分享 (1)

為什麼要投資期權？　

　

先講好處：　

1. 靈活，即係多種市況，例如大升，大跌，慢升，慢跌，唔升唔跌，都可以透過砌出不同既期權組合獲利。
2. 槓桿大，即係可以刀仔鋸大樹，例如睇700 騰訊 升，現價$314.4 買1手，要$31,440 ，但買即月貼價310 認購(CALL) 一手，只要$1,211 左右，如果700 升 5% ，買正股賺5 % ，但期權(以1/8/2017 收市的330 認購(CALL) ) 計，期權金達$3,920 ，即賺3倍多。     

壞處:

1. 複雜，期權組合同玩法好多，可以組合玩，可以分開玩，可以跨月玩，可以不同行使價玩，可以配合正股/期貨玩。
2.  有限期(此壞處對買入(LONG) 而言)，即係買左到期時吾到價，買入(LONG) 就輸，沽出(SHORT) 就贏。
3.  計價複雜，當中包括時間值，價內值和引伸波幅。

其實市場上除左期權，仲有一種更多人知既同類產品，就係牛熊窩輪，佢地出名除左多賣廣告外，其實無咩特別好，因為唔公平，最主要係無得做SELL (沽出) 方，已經無左過靈活性，你只係得買，個價又發行商任定，正股升100 %，隻窩輪唔升，你都唔可以點，而牛熊就有回收價，即係穿左某個價就幫你強行止蝕，好被動，所以期權已經係相對公平，只係廣告太少，係香港太吾流行，先少人玩，所以建議有志玩衍生工具既朋友只玩期權，不玩牛熊窩輪。